Суднапрапускныя збудаванні

Суднапрапускныя збудаванні – гідратэхнічнае збудаванне па водным шляху для забеспячэння суднаходства, прызначанае для праходу судоў праз гідравузел.

Адрозніваюць два асноўныя тыпы суднапрапускных збудаванняў

• суднаходныя шлюзы;
• транспартныя суднапад’ёмнікі.

Суднаходны шлюз – подпорнае гідратэхнічнае збудаванне для пераадолення судамі на плаву засяроджанага перападу ўзроўню вады па водным шляху.

Суднаходныя шлюзы на ўнутраных водных шляхах падзяляюць:

1. па колькасці камер, размешчаных паслядоўна:

• аднакамерныя;
• двухкамерныя і г.д.;

2. па ліку камер, размешчаных паралельна:

• аднанітачныя;
• двухнітачныя і г.д.;

3. па велічыні напору на камеру:

• нізканапорныя з разліковым напорам да 10м;
• сярэдненапорня з разліковым напорам ад 10 до 30м;
• высоканапорныя з разліковым напорам больш 10м.

У агульным выпадку суднаходны шлюз складаецца з:

• верхняя і ніжняя галава шлюза;
• камера шлюза;
• верхні і ніжні подыходныя каналы;
• прычальныя і накіравалыя збудаванні.

Галовы шлюза падтрымліваюць рознасць узроўняў вады паміж бьефамі і камерай пры яе напаўненні і апаражненні. На іх размяшчаецца абсталяванне, прызначанае для ажыццяўлення працэсу шлюзавання.

У камеры шлюза, абмежаванай з бакоў сценамі, знаходзяцца судны пры іх шлюзаванні. На сценах камеры размяшчаюцца прылады ў выглядзе тумбаў, а па вышыні - плывучыя рымы, за якія швартуюцца судны.

Подыходныя каналы, якія прымыкаюць да галоў шлюза, маюць памеры, якія забяспечваюць разыходжанне судоў пры ўваходзе ў камеру і выхадзе з яе, а таксама бяспечныя ўмовы стаянкі судоў, якія чакаюць шлюзавання ў прычальных збудаваннях (сценак).

Для забеспячэння паступовага ўваходу суднаў у адтуліны галоў шлюза ўбудоўваюцца накіравальныя збудаванні (палы), якія маюць у плане выгляд крывалінейных сцен.

Габарыты, абсталяванне, кампаноўку, выбар метак, колькасць паралельных нітак суднапрапускных збудаванняў неабходна прымаць у залежнасці ад памераў разліковых суднаў (саставаў), забеспячэння бяспекі суднаходства, а таксама груза-і суднаабароту, вызначаных на падставе схем развіцця воднага транспарту на разліковы тэрмін, а пры іх адсутнасці - на аснове спецыяльных эканамічных даследаванняў.