Транспартныя паслугі

РУЭБП «Днепрабугводшлях» прадастаўляе паслугі па арганізацыі грузаперавозак аўтамабільным і ўнутраным водным транспартам, а таксама паслугі па арэндзе будаўнічай тэхнікі. Для аказання транспартных паслуг, прадпрыемства выкарыстоўвае ўласны аўтапарк і флот.

ПЕРАВОЗКІ АЎТАТРАНСПАРТАМ

Да несумнеўных вартасцяў аўтамабільных перавозак адносіцца вялікая манеўранасць і рухомасць, высокая хуткасць дастаўкі грузаў. Таксама вельмі важная здольнасць дастаўкі грузу непасрэдна са склада адпраўшчыка да склада атрымальніка без перагрузкі, высокая захаванасць грузаў. Уся наша тэхніка знаходзіцца ў выдатным стане. Вадзіцелі са шматгадовым вопытам работы даставяць груз хутка і ў адпаведнасці з патрабаваннямі заказчыка.

Наш парк будаўнічых механізмаў налічвае каля 100 адзінак экскаватарна-бульдозернай тэхнікі, аўтамабіляў і кранаў рознай грузападымальнасці: экскаватары гусенічныя і колавыя, бульдозеры рознай магутнасці, пагрузчыкі, самазвалы, аўтабетоназмешвальнікі, бартавыя аўтамабілі, аўтамабілі з бартавымі паўпрычэпамі, аўтапалівазапраўшчыкі, аўтобусы, аўтавышкі, паўпрычэп-трал для перавозкі дарожна-будаўнічай тэхнікі і інш.

Аўтамабільны грузавы і пасажырскі транспарт

• Аўтасамазвалы
  паслугі па перавозцы насыпных і навалачных грузаў
  грузападымальнасць - да 10; да 20 т
• Аўтамабілі
  паслугі па перавозцы грузаў
  грузападымальнасць - да 1,5 т
• Аўтабетоназмешвальнік
  паслугі па перавозцы бетону
  ўмяшчальнасць - да 6 м³
• Прычэп-цэментавоз
  паслугі па перавозцы цэменту
  грузападымальнасць - да 20 т
• Паўпрычэпы
  паслугі па перавозцы тарна-адзінкавых і генеральных грузаў
  грузападымальнасць - да 25 т
• Прычэп-цяжкавоз
  паслугі па перавозцы будаўнічай тэхнікі
  грузападымальнасць - да 40 т
• Аўтобусы
  паслугі па перавозцы пасажыраў
  пасажыраўмяшчальнасць - да 23 чал.

Спецаўтамабілі

• Аўтавышкі (аўтагідрапад’ёмнік)
  вышыня ўздыму да 22м
• Аўтакраны
  грузападымальнасць - да 16т; да 25 т
• Аўтапалівавозы
  паслугі па перавозцы светлых нафтапрадуктаў
  умяшчальнасць - да 11 тыс.л.

Экскаватарна-бульдозерная тэхніка

• Экскаватары – 12 шт.
  у тым ліку Hitachi, Hyundai - 8шт.
  аб'ём каўша да 1,1 м³
• Бульдозеры – 7 шт.
  у тым ліку SD16, Б10 - 5шт.

АРЭНДА АЎТАМАБІЛЬНА-БУДАЎНІЧАЙ ТЭХНІКІ

Асноўная перавага арэнды спецтэхнікі заключаецца ў тым, што выдаткі на ўтрыманне і рамонт спецтэхнікі кладуцца на кампанію-арэндадаўца. У дадзеным выпадку арандатару няма неабходнасці адшукваць сродкі на куплю патрабаванай тэхнікі, праходзіць тэхнічныя агляды, рамантаваць у выпадку паломкі, арганізоўваць месца для прастою, плаціць дадатковыя падаткі і г.д.

Мы аказваем паслугі па арэндзе будаўнічай спецтэхнікі, як для арганізацый, так і для прыватных заказчыкаў, якім неабходна выканаць будаўнічыя работы на сваім участку.

Значная частка прапанаванай у арэнду будаўнічай спецтэхнікі з'яўляецца высокатэхналагічным абсталяваннем. Арэнда будаўнічай тэхнікі дапускае, што разам з тэхнікай Вам будуць прадастаўлены паслугі прафесійнага вадзіцеля-аператара.

ПЕРАВОЗКІ ВОДНЫМ ТРАНСПАРТАМ

Перавозкі водным транспартам нельга назваць распаўсюджанымі ў Беларусі. Разам з тым, дадзены від транспарту мае цэлы шэраг пераваг у параўнанні з аўтамабільным і чыгуначным транспартам. Па ключавых крытэрыях выбару віду транспарту для грузаперавозак, а гэта характарыстыкі эканамічнасці, грузападымальнасці і бяспекі - перавозкі па ўнутраных водных шляхах часта выглядаюць больш зручна.

У пераважнай большасці перавозкі водным транспартам з'яўляюцца часткай мультымадальных схем - груз, дастаўлены па рацэ, затым перагружаецца ў аўтатранспарт або таварныя вагоны цягнікоў. Як правіла, грузы водным транспартам перавозяцца не заўсёды хутка, аднак не варта забываць, што гэтая перавозка вельмі рэнтабельная пры вялікіх адлегласцях і мае значную правозную здольнасць.

У РУЭБП «Днепрабугводшлях» у эксплуатацыі знаходзіцца больш за 150 адзінак флоту: самаходны флот, земснаряды, брандвахты, плаўэлектрастанцыі, нафтаналіўныя баржы, баржы-пляцоўкі, завозні несамаходныя, моталодкі, мотазавозні, стоечны флот.

Для арганізацыі грузаперавозак могуць быць задзейнічаны буксірныя цеплаходы магутнасцю 300 л.з. з асадкай 60 і 90 см, баржы-пляцоўкі грузападымальнасцю да 500 т. (грузавы бункер: даўжыня - 36,9 м; шырыня - 7,1 м); да 900 т. (грузавы бункер: даўжыня - 61,25 м; шырыня - 7,3 м).

Паслугі, якія аказваюцца РУЭБП «Днепрабугводшлях», з выкарыстаннем воднага транспарту:

• Перавозка пяску з пагрузкай і выгрузкай плывучым кранам на прычале заказчыка;
• Перавозка навалочных, насыпных, генеральных, тарна-штучных грузаў па ўнутраных водных шляхах класа «Л» і «Р»;
• Забеспячэнне працы будаўнічай і свідравой тэхнікі на вадаёмах са спецыялізаванага пантона, а таксама перавозка буйнагабарытнай тэхнікі на пантоне па ўнутраных водных шляхах;
• Буксіроўка, зняцце і ўстаноўка зімовых і летніх паромных перапраў;
• Буксіроўка несамоходных суднаў, а таксама іншых плывучых аб'ектаў па ўнутраных водных шляхах.