Пясок будаўнічы

Прыродны пясок - неарганічны сыпкі матэрыял з памерам зерня да 5 мм, які ўтварыўся ў выніку натуральнага разбурэння скальных парод і атрымліваецца без выкарыстання спецыяльнага абагачальнага абсталявання.

Па сутнасці, будаўнічы пясок - гэта сыпкі, рыхлы матэрыял, які выкарыстоўваецца ў розных мэтах, у залежнасці ад якасці і разнавіднасці. Яго падзяляюць на віды па такіх крытэрах як паходжанне, склад і памер гранул.

У параўнанні з іншымі аналагічнымі матэрыяламі будаўнічы пясок мае шэраг пераваг:

• Пясок - экалагічна чысты матэрыял. Ён не нясе шкоды для чалавека і не выклікае алергічных рэакцый. Не аказвае негатыўнага ўплыву на мікраклімат памяшканняў;
• Цудоўная вязкасць дадзенага мінералу дазваляе запаўняць розныя пустэчы, выкарыстоўваць яго ў ізаляцыі падлог і сцен;
• Пясок - гэта выдатны шумаізаляцыйны матэрыял;
• Пясок не схільны да гніення;
• Пры ўздзеянні высокіх тэмператур будаўнічы пясок не вылучае небяспечных і шкодных рэчываў;
• Пясок не баіцца ўздзеяння агрэсіўных кампанентаў;
• Пясок адказвае высокім тэхнічным і эстэтычным патрабаванням;
• Яго кошт, у параўнанні з іншымі будаўнічымі матэрыяламі, адносна невялікі. Гэта вызначае класічнае выкарыстанне пяску ў працах нулявога цыклу.

Па відзе дабычы адрозніваюць:

• кар'ерны;
• рачны;
• марскі;
• кварцавы (штучны) пясок.

У Беларусі найбольш запатрабаваным у будаўніцтве з'яўляецца рачны пясок, які здабываецца з дапамогай земснарядаў з рэчышчаў рэк. Такі пясок адрозніваецца адсутнасцю старонніх прымесяў, кампанентаў і камянёў. Другое важнае адрозненне - гэта фракцыйная аднастайнасць.

Рачны пясок yжываюць:

• у вытворчасці бетону і бетонных сумесяў;
• для вытворчасці бетонных вырабаў, бо пясок павышае іх трываласць і марозаўстойлівасць;
• для вырабу сухіх сумесяў;
• для фарміравання фундаментавых падушак;
• у вытворчасці раствораў для тынкавальных і кладкавых работ;
• для дэкарыравання памяшканняў;
• для вертыкальнай планіроўкі тэрыторый (добраўпарадкаванне тэрыторыі, ландшафтныя працы);
• для ўладкавання дзіцячых пляцовак і інш.

РУЭБП «Днепрабугводшлях» рэалізуе рачны пясок, характарыстыкі якога адпавядаюць ДАСТ 8736-93 "Пясок для будаўнічых работ. Тэхнічныя ўмовы".

Пагрузка пяску, узважванне і выпіска суправаджальных дакументаў ажыццяўляецца на тэрыторыі Рамонтна-адстойнай базы РУЭБП «Днепрабугводшлях» (г. Пінск, вул. Столінская 1).